300 ரூபாய் லஞ்சம் வாங்கிய எழுத்தருக்கு 3 ஆண்டு சிறை

ஸ்ரீவில்லிபுத்தூர்: பட்டா வழங்க 300 ரூபாய் லஞ்சம் வாங்கிய ராஜபாளையம் தாசில்தார் அலுவலக எழுத்தருக்கு மூன்று ஆண்டு சிறை தண்டனை விதித்து முதன்மை குற்றவியல் நீதிபதி முருகாம்பாள் தீர்ப்பளித்தார்.
ராஜபாளையத்தை சேர்ந்தவர் சேதுராஜ். இவருக்கு சொந்தமான திருவேங்கடபுரத்திலுள்ள காலி இடத்திற்கு பட்டா வேண்டி ராஜபாளையம் தாசில்தார் அலுவலகத்தில் விண்ணப்பித்தார். விண்ணப்பத்தை தாசில்தார் பார்வைக்கு அனுப்புவதற்கு அலுவலக எழுத்தர் வெங்கடேசன் 300 ரூபாய் லஞ்சமாக கேட்டார். லஞ்சப்பணத்தை 2003 செப்.15ம் தேதி சேதுராஜ் கொடுக்கும் போது பிடிபட்டார். இது தொடர்பான வழக்கு முதன்மை குற்றவியல் கோர்ட்டில் நடந்து வந்தது. வழக்கை விசாரித்த நீதிபதி முருகாம்பாள் லஞ்சம் வாங்கிய வெங்கசேடனுக்கு மூன்றாண்டு சிறை தண்டனை விதித்து தீர்ப்பளித்தார்.

குவாத்ரோச்சி மீதான வழக்கு?

C†RÖ¦ ÙRÖ³¥ A‡TŸ JyPÖ«ÚVÖ hYÖ†ÚWÖop —RÖ] ÚTÖTŸÍ FZ¥ YZeÛL ˜z†‰e ÙLÖ·ºUÖ¿ ÙP¥¦›¥ E·[ RÛXÛU ÙUyÚWÖTÖ¦PÁ UÖÈ͇ÚWy| ÚLÖŸyz¥ p.‘.I. UÄRÖeL¥ ÙNš‰·[‰. C‹ŒÛX›¥, C‹R YZeÛL ˜zeLeiPÖ‰ GÁ¿ ÚLÖ¡, A^š ALŸYÖ¥ GÁ\ Yeg¥, AÚR ÚLÖŸyz¥ UÄRÖeL¥ ÙNš‰·[ÖŸ. CYŸ rப்¢• ÚLÖŸy| Yeg¥ BYÖŸ. B]Ö¥ RÂST£eh C‹R YZef¥ RÛX›P E¡ÛU C¥ÛX GÁ¿ p.‘.I. NÖŸ‘¥ ÙR¡«eLப்TyP‰. C‰h½†‰, UÖÈ͇ÚWy| LÖÚY¡ TÚY^Ö SÖÛ[ U¿SÖ· ˆŸப்“ A¸ef\ÖŸ.



2

ரூ.5 ஆயிரம் லஞ்சம் :கலால் உதவி ஆணையர் நடராஜன் கைது

திருவள்ளூர், அக். 22: திருவள்ளூர் அருகே மதுபானக் கடை "பார்'-ஐ இடமாற்றம் செய்ய ரூ.5 ஆயிரம் லஞ்சம் வாங்கியதாக கலால் உதவி ஆணையரை லஞ்ச ஒழிப்புத்துறை போலீசார் கைது செய்தனர். சென்னை சாலிகிராமத்தைச் சேர்ந்தவர் மணிபாஸ்கர் (41). இவரது சகோதரர் குமார் மதுரவாயல் பகுதியில் டாஸ்மாக் கடை அருகில் "பார்' வைத்திருந்தார். அந்த பாரை அப்பகுதியில் உள்ள கன்னியம்மன் நகருக்கு இடமாற்றம் செய்யக் கோரி, திருவள்ளூர் மாவட்ட ஆட்சியரகத்தில் உள்ள கலால் உதவி ஆணையர் நடராஜனிடம் மனு கொடுத்துள்ளார். இதையடுத்து இடமாற்றத்துக்கு அனுமதியளிக்க ரூ.25 ஆயிரம் வரை நடராஜன் லஞ்சம் கேட்டதாக கூறப்பட்டது. மணிபாஸ்கர் கடந்த 1-ம் தேதி ரூ.10 ஆயிரமும், 2-ம் தேதி ரூ.10 ஆயிரமும் லஞ்சமாக பெற்றாராம். மேலும் 5 ஆயிரம் கொடுத்தால்தான் அனுமதி தருவேன் என நடராஜன் கண்டிப்பாக கூறியுள்ளார். இதுகுறித்து சென்னையில் உள்ள சிறப்பு லஞ்ச ஒழிப்புத்துறை டிஎஸ்பி முரளியிடம், மணிபாஸ்கர் புகார் கொடுத்தார். அதன் அடிப்படையில், டிஎஸ்பி முரளி, இன்ஸ்பெக்டர்கள் பாலசுப்பிரமணியம், சங்கர் ஆகியோர் கொண்ட குழுவினர், மாவட்ட ஆட்சியர் அலுவலகம் சென்றனர்.
அப்போது லஞ்ச ஒழிப்புத்துறை போலீசாரின் ஆலோசனைப் படி, மணிபாஸ்கர் கலால் உதவி ஆணையர் நடராஜனிடம் ரூ.5 ஆயிரத்தை கொடுக்கும்போது, போலீசார் நடராஜனை கையும் களவுமாக பிடித்து கைது செய்தனர்.

சுனாமி நிதியில் மோசடி பெண் டாக்டருக்கு ஜாமீன் மறுப்பு!

கடந்த 2004ல் சுனாமியால் பாதித்த மக்களுக்காக, அமெரிக்காவை சேர்ந்த நிறுவனம் ரூ.17 கோடியே 63 லட்சத்து 46 ஆயிரத்து 855 வழங்கியது. இந்த தொகையை பாதிக்கப்பட்டவர்களுக்கு வழங்கும் பொறுப்பு தென்னிந்திய திருச்சபையிடம் ஒப்படைக்கப்பட்டது. நிவாரண பணி பொறுப்பு திருச்சபையின் பொது செயலாளராக இருந்த பாலின் என்பவரிடம் ஒப்படைக்கப்பட்டது. இவர், தனது கணவர் சத்தியமூர்த்தி, மகள் பெனடிக்டா, உறவினர் ராபர்ட் சுனில் மற்றும் கஸ்தூரி ஆகியோருடன் சேர்ந்து ரூ.7.50 கோடி மோசடி செய்ததாக திருச்சபையின் இப்போதைய பொது செயலாளர் மோசஸ் ஜெயக்குமார், மத்திய குற்றப் பிரிவில் புகார் செய்தார். அதனடிப்படையில் டாக்டர் பெனடிக்டா, ராபர்ட் சுனில் ஆகியோர் கைது செய்யப்பட்டனர். இந்நிலையில், ஜாமீன் கோரி செஷன்ஸ் நீதிமன்றத்தில் பெனடிக்டா மனு தாக்கல் செய்தார். முதன்மை செஷன்ஸ் நீதிபதி தேவதாஸ் முன்னிலையில் மனு விசாரணைக்கு வந்தது. அரசு வக்கீல் ஷாஜகான் ஆஜராகி விசாரணை தொடர்ந்து நடந்து வருவதாக தெரிவித்தார். இதையடுத்து, பெனடிக்டாவின் மனுவை நீதிபதி தள்ளுபடி செய்தார்.

பழநி மின்வாரிய உதவி பொறியாளர் ராஜேந்திரன் கைது

திண்டுக்கல்: திண்டுக்கல் மாவட்டம் பழநியில் உள்ள மின்வாரிய அலுவலகத்தில் லஞ்ச ஒழிப்பு போலீசார் ரெய்டு நடத்தினர். ரூ. 5 ஆயிரம் லஞ்சம் பெற்ற உதவி பொறியாளரை போலீசார் கைது செய்தனர். இங்கு லஞ்சம் கொடிகட்டிப்பறப்பதாக வந்த தகவலையடுத்து லஞ்ச ஒழிப்பு போலீசார் இன்று காலையில் அதிரடியாக வந்தனர். இங்கு அதிகாரிகள் , ஊழியர்களிடம் விசாரணை நடத்தி ஆவணங்கள் சோதிக்கப்பட்டது. பாலசமுத்திரம் பகுதியை சேர்ந்த நாகராஜன் த்ரீ பேஸ் கரன்ட் வாங்கிட அணுகியபோது ரூ. 5 ஆயிரம் தருமாறு உதவி பொறியாளர் ராஜேந்திரன் கேட்டுள்ளார். இவருக்கு பணம் கொடுக்கும் போது லஞ்ச போலீசார் கையும்களவுமாக பிடித்தனர்.

60 ரூபாய் லஞ்சம் வாங்கிய அதிகாரிக்கு ஒன்றரை ஆண்டு சிறை தண்டனை

பெரம்பலூர் : இறப்பு சான்றிதழ் பெற்றுத்தர ரூ. 60 லஞ்சம் வாங்கிய பதிவு எழுத்தருக்கு ஒன்றரை ஆண்டுகள் சிறை தண்டனை விதித்து பெரம்பலூர் தலைமை குற்றவியல் நடுவர் கோர்ட் உத்தரவிட்டுள்ளது. பெரம்பலூர் மாவட்டம் திருவளக்குறிச்சியைச் சேர்ந்த சின்னையன் என்பவர், தனது மனைவி பார்வதியின் இறப்பு சான்றிதழைப் பெற குன்னம் தாலுகா அலுவலகத்தில் மனு செய்திருந்தார். அங்கு பணியாற்றும் பதிவு எழுத்தர் சந்திரசேகர் என்பவர், அந்த சான்றிதழை பெற்றுத்தர ரூ. 60 லஞ்சமாக கேட்டுள்ளார். லஞ்சம் கொடுக்க மனமில்லாத சின்னையன், இதுகுறித்து திருச்சி லஞ்ச ஒழிப்பு போலீசாரிடம் புகார் செய்தார். அவர்களது ஆலோசனையின் படி, சின்னையன் பணம் தர அதைப்பெற்றுக்கொண்ட சந்திரசேகர் மற்றும் அவரது உதவியாளர் வெங்கடாசலம் ஆகியோரை போலீசார் கைது செய்தனர். இதுதொடர்பான வழக்கு பெரம்பலூர் தலைமை குற்றவியல் நடுவர் கோர்ட்டில் நடந்து வந்தது. நீதிபதி சரோஜினி இன்று தீர்ப்பு வழங்கினார். இதன்படி சந்திரசேகருக்கு ஒன்றரை ஆண்டுகளும், வெங்கடாசலதிற்கு ஓராண்டும் சிறை தண்டனை விதிக்கப்பட்டது.

ஸ்பெக்ட்ரம் ஊழல்: தொலைத்தொடர்பு அலுவலகங்களில் சிபிஐ சோதனை

புதுதில்லி, அக்.22: 2-ஜி அலைக்கற்றை ஒதுக்கீட்டில் நிகழ்ந்த முறைகேடுகள் தொடர்பாக தில்லியிலுள்ள தொலைத்தொடர்பு அலுவலகங்களில் மத்திய புலனாய்வுத்துறை(சிபிஐ) இன்று சோதனை நடத்தியது.அலைக்கற்றை ஒதுக்கீட்டில் நிகழ்ந்த முறைகேடுகள் தொடர்பாக சிபிஐ நேற்று மாலை வழக்குப்பதிவு செய்தது. இதையடுத்து சிபிஐ அதிகாரிகள் அடங்கிய குழு ஒன்று தில்லியிலுள்ள சஞ்சார் பவன் அலுவலங்களில் இன்று சோதனை நடத்தியது. முறைகேடுகள் நடந்துள்ளனவா என்பதைக் கண்டறிய புதிய நிறுவனங்களுக்கு ஸ்பெட்க்ரம் ஒதுக்கீடு செய்தது தொடர்பான கோப்புகள் அனைத்தையும் சிபிஐ தீவிர பரிசீலனை செய்யும் எனத் தகவல்கள் தெரிவித்தன.சோதனை தொடர்பாக தொலைத்தொடர்பு அதிகாரிகள் யாரும் கருத்து தெரிவிக்கவில்லை.ரூ 1,651 கோடிக்கு லைசன்ஸ் வழங்கப்பட்டதில் அரசுக்கு பெருமளவில் இழப்பு ஏற்பட்டதாக தொலைத்தொடர்பு துறைக்கு எதிராக மத்திய கண்காணிப்பு ஆணையம் புகார் தெரிவித்தது. இந்நிலையில் தொலைத்தொடர்பு அலுவலகங்களில் சிபிஐ சோதனை நடத்தியுள்ளது குறிப்பிடத்தக்கது.

ரூ.1000 லஞ்சம் வாங்க முயன்ற கூட்டுறவு வங்கிச் செயலாளர் துரைசாமி கைது.

திருத்தணி, அக்.20:விவசாய கடன் வழங்குவதற்காக விவசாயியிடமிருந்து ரூ.1000 லஞ்சம் வாங்க முயன்ற கூட்டுறவு வங்கிச் செயலாளர் கையும், களவுமாக கைது செய்யப்பட்டார்.

.

திருத்தணியை அடுத்த கீழ்பாலபுரம் கிராமத்தைச் சேர்ந்தவர் ராஜேந்திரன். இவர் விவசாயம் செய்து வருகிறார். இவருக்கு சொந்தமாக 3 ஏக்கர் நிலம் இருக்கிறது. சமீபத்தில் பயிர் கடன் பெறு வதற்காக தொடக்க வேளாண்மை கூட்டுறவு வங்கியில் இவர் விண்ணப்பம் செய்திருந்தார். மேலும் வங்கியின் செயலாளர் துரைசாமியை சந்தித்து தனக்கு விரைவாக பயிர் கடன் வழங்குமாறு கேட்டுக் கொண்டார். அப்போது துரைசாமி ரூ.1000 கொடுத்தால்தான் கடன் தொகை கிடைக்கும் என்றும், இல்லை யென்றால் விண்ணப்பத்தை நிராகரித்து விடுவேன் என்றும் கூறியதாக தெரிகிறது. இதனையடுத்து ராஜேந்திரன் ரூ.1000 கொடுக்க ஒப்புக் கொண்டார். துரைசாமி அதனை அலுவலகத்தில் தர வேண்டாம். அதிகாலையில் வீட்டிற்கு வந்து தருமாறு கூறியதாகவும் தெரிகிறது.இதனிடையே ராஜேந்திரன் இது குறித்து லஞ்ச ஒழிப்பு காவல் துறையிடம் புகார் அளித்தார். அவர்கள் ஆலோசனையின் பேரில் இன்று காலை துரைசாமி வீட்டுக்கு சென்று ஆயிரம் ரூபாயை கொடுத்திருக்கிறார். அப்போது மறைந்திருந்த லஞ்ச ஒழிப்பு போலீசார் அவரை லஞ்சப் பணத்தோடு கையும், களவுமாக பிடித்தனர்.

மகளிர் சங்க தலைவி சிவகாமி கைது : சுனாமி நிவாரண நிதி ரூ. 1 1/2 கோடி மோசடி

சென்னை எண்ணூரில் உள்ள நெட்டுக்குப்பத்தைச் சேர்ந்த காஞ்சனா என்ற பெண் சுமார் 500 பெண்களுடன் புறநகர் போலீஸ் கமிஷனர் ஜாங்கிட்டிடம் புகார் மனு ஒன்றை கொடுத்தார்.

அதில் நெட்டுக்குப்பம் பகுதியைச் சேர்ந்த மகளிர் மீனவர் சங்க தலைவி சிவகாமி என்பவர் ஆஸ்திரேலிய தொண்டு நிறுவனம் வழங்கிய ரூ. 1 கோடி பணத்தையும் அதற்கு வட்டி என்று சுமார் ரூ. 35 லட்சம் அளவிற்கு மக்கள் பணத்தை வசூலித்து மோசடி செய்து தலைமறைவாகி விட்டார். அவர் மீது நடவடிக்கை எடுக்க வேண்டும் என்று கூறியிருந்தார்.

புகாரின் பேரில் கமிஷனர் ஜாங்கிட் நடவடிக்கை எடுக்க உத்தரவிட்டார். மத்திய குற்றப்பிரிவு உதவி கமிஷனர் நவநீதகிருஷ்ணன், இன்ஸ்பெக்டர் ஆரோக்கிய பிரகாசம் தலைமையிலான போலீசார் தீவிரவிசாரணை நடத்தினர். இதில் வெளியூரில் பதுங்கி இருந்த சிவகாமியை போலீசார் சுற்றி வளைத்து கைது செய்தனர்.

அவரிடம் நடத்திய விசாரணையில் ரூ. 1 கோடியே 35 லட்சம் சுனாமி நிவாரண நிதியை அவர் வாரிச்சுருட்டி உள்ளது தெரிய வந்தது.

ஆஸ்திரேலியாவைச் சேர்ந்த ஆஸ்சார்ம் என்ற தொண்டு நிறுவனம் கடந்த 2005-ம் ஆண்டில் சுனாமியால் பாதிக்கப்பட்ட மக்களின் மறுவாழ்வுக்காக ரூ. 1 கோடி நிதி உதவியை கலைச்செல்வி கருணாலயா சமூக சேவை நிறுவனத்திடம் வழங்கியது.

இதை தெரிந்து கொண்ட நெட்டுக்குப்பம் மகளிர் மீனவர் கூட்டுறவு சங்க தலைவி சிவகாமி தங்கள் பகுதி மக்களுக்கு நிவாரணம் வழங்க வேண்டும் என கோரிக்கை வைத்தார்.

அதற்காக 10 பேர் கொண்ட 10 குழுக்களை அமைத்தார். குழுவில் உள்ளவர்களுக்கு தனி தனி வங்கிகணக்குகள் தொடங்கினார். நிவாரண பணத்தை நேரடியாக வங்கிகளின் மூலம்தான் பெற முடியும் என்று கூறினார்.

ஆனால் தொண்டு நிறுவனத்திடம் இருந்து ஒரு குழுவுக்கு ரூ. 50 ஆயிரம் வீதம் பெற்று வங்கிகணக்கில் செலுத்தினார். ஒருவருக்கு தலா ரூ. 5 ஆயிரம் கிடைக்கும் என ஆசை வார்த்தை கூறினார். ஒவ்வொரு குழுவும் மாதம் ரூ. 2000 வீதம் 33 மாதங்கள் செலுத்தினால் நிவாரண பணம் இரட்டிப்பாகும் என்று ஆசைவார்த்தை கூறினார்.

குழுவில் இடம் பெற்ற பெண்களின் வங்கிகணக்கு புத்தகம், காசோலை போன்ற வற்றை சிவகாமியே வைத்துக் கொண்டார். குழுவில் உள்ளவர்களும் பணம் இரட்டிப்பாகும் என்று கடந்தசில ஆண்டுகளாக வங்கிகளில் பணம் கட்டிக்கொண்டிருந்தனர்.

இதற்கிடையே சிவகாமி, தனது தம்பி ராம்குமாரை ஒருங்கிணைப்பாளராகவும், தோழி வள்ளி என்பவரை செயலாளராகவும் கொண்டு கலங்கரை விளக்கம் என்ற சமூகசேவை அமைப்பை தொடங்கினார். மீனவ பெண்களின் வங்கி கணக்கில் உள்ள பணத்தை எல்லாம் கலங்கரை விளக்கம் அமைப்பின் வங்கி கணக்கிற்கு மாற்றினார்.

இதற்காக அவரே மற்ற பெண்கள் போல போலி கையெழுத்து போட்டு காசோலைகளை பயன்படுத்தி உள்ளார். லட்சக்கணக்கான மதிப்புள்ள பணத்தை சொந்த உபயோகத்திற்குபயன் படுத்தி கொண்டார்.

இந்த நிலையில் காஞ்சனா உள்ளிட்ட பெண்கள் வங்கி கணக்கை சரிபார்த்த போது கணக்கில் பணம் இல்லாதது கண்டு அதிர்ச்சி அடைந்தனர். ஒரு சில மாதத்தில் பணம் வந்து விடும் என்று கூறி சமாதானப்படுத்திய சிவகாமி தலைமறை வானதை தொடர்ந்து போலீசில் சிக்கி உள்ளார்.

சிவகாமியின் மோசடிக்கு உடந்தையாக இருந்த வள்ளி, ராம்குமார், புனிதா ஆகிய 3 பேரையும் தேடி வருகின்றனர். சுமார் ரூ. 1 1/2 கோடி அளவுக்கு சுனாமி நிவாரண நிதி மோசடி செய்திருக்கலாம் என பாதிக்கப்பட்ட பெண்கள் கூறினர்.

சிவகாமியை பூந்தமல்லி கோர்ட்டில் ஆஜர்படுத்தி 15 நாள் காவலில் சிறையில் அடைத்தனர்.

லஞ்ச ஒழிப்புத் துறை கூடுதல் இயக்குநராக ஏடிஜிபி ராமானுஜம் நியமிக்கப்பட்டார்

டிஜிபி போலாநாத் லஞ்ச ஒழிப்புத் துறைக்கு மாற்றப்பட்டதை அடுத்து ஏடிஜிபி ராமானுஜம் கூடுதல் இயக்குநராக மாற்றப்பட்டுள்ளார். இதையடுத்து இத் துறையில் கடந்த 8 ஆண்டுகளுக்கு பிறகு மீண்டும் கூடுதல் இயக்குநர் பதவி உருவாக்கப்பட்டுள்ளது.
லஞ்ச ஒழிப்புத் துறையின் இயக்குநராக ஐஜி மற்றும் ஏடிஜிபி நிலையிலான அதிகாரிகளே கடந்த பல ஆண்டுகளாக இருந்து வந்தனர்.
இந்த நிலையில் லஞ்ச ஒழிப்புத் துறையில் புதிதாக டிஜிபி பதவி உருவாக்கப்பட்டு, தமிழ்நாடு சீருடைப் பணியாளர் தேர்வு வாரியத்தின் தலைவராக இருந்த டிஜிபி போலாநாத் கடந்த 6-ம் தேதி நியமிக்கப்பட்டார்.
லஞ்ச ஒழிப்புத் துறையின் தலைமை பதவி, இயக்குநர் பதவியாகும். ஏடிஜிபி ராமானுஜம் இயக்குநராக உள்ள நிலையில், டிஜிபி போலாநாத் நிர்வாக ரீதியாக எந்த பதவி வகிப்பார் என்பது குறித்து அதிகாரிகள் மத்தியில் குழப்பம் நிலவியது.
இந்தத் துறையில் இப்போது ஒரு இயக்குநர், 2 இணை இயக்குநர்கள் பதவிகள் உள்ளன.
இதையடுத்து டிஜிபி போலாநாத் இயக்குநர் பதவியையும், ஏடிஜிபி ராமானுஜம் கூடுதல் இயக்குநர் பதவியையும் வகிப்பார்கள் என அரசு துறைரீதியான விளக்கம் அளித்துள்ளது.
இது தொடர்பான கடிதம் உள்துறையிடம் இருந்து லஞ்ச ஒழிப்புத்துறைக்கு அனுப்பப்பட்டுள்ளது.
8 ஆண்டுகளுக்கு பிறகு கடந்த 2001-ம் ஆண்டு இறுதியில் டிஜிபி வி.கே. ராஜகோபாலன் லஞ்ச ஒழிப்புத் துறையின் இயக்குநராக நியமிக்கப்பட்டார். இதையடுத்து அப்போது இயக்குநராக இருந்த ஏடிஜிபி மாத்தூர், கூடுதல் இயக்குநராக மாற்றப்பட்டார்.
8 ஆண்டுகளுக்கு பிறகு இப்போது மீண்டும் டிஜிபி போலாநாத் வருகையை அடுத்து ஏடிஜிபி ராமானுஜம் கூடுதல் இயக்குநராக மாற்றப்பட்டுள்ளது குறிப்பிடத்தக்கது.

மத்திய சிறைகளில் லஞ்ச ஒழிப்பு போலீஸ் சோதனை!

சேலம்: கைதிகளிடம் பணம் பெற்றுக் கொண்டு சலுகைகள் வழங்கப்படுவதாக எழுந்த புகாரைத் தொடர்ந்து மதுரை, கோவை மத்திய சிறைகளில் லஞ்ச ஒழிப்பு போலீசார் சோதனை நடத்தினர். சென்னை புழல் சிறையில் கடந்த வாரம் லஞ்ச ஒழிப்பு போலீசார் சோதனை நடத்தினர். இதில் பணமும், ஆபாச டிவிடிக்களும் பறிமுதல் செய்யப்பட்டன. இந்நிலையில் நேற்று முன்தினம் ஒரே நாளில் கோவை, மதுரை மத்திய சிறைகளில் லஞ்ச ஒழிப்பு போலீசார் சோதனை நடத்தினர். இதில் பீடி கட்டுகள் பறிமுதல் செய்யப்பட்டன.

லஞ்சம் வாங்கிய புகாரில் அரசு ஊழியர்கள் 100 பேர் கைது ,லஞ்ச ஒழிப்பு போலீசார் தீவிரம்

தமிழகத்தில் இந்த ஆண்டில் மட்டும், அரசு அலுவலகங்களில் லஞ்ச ஒழிப்புத்துறை நடத்திய வேட்டையில் இதுவரை 100 பேர் வரை லஞ்சம் வாங்கிய புகாரில் கைது செய்யப்பட்டுள்ளனர். மேலும், உயர் பொறுப்பில் இருந்து ஊழல், முறைகேடு செய்த பலர் சஸ்பெண்ட் செய்யப்பட்டுள்ளனர்.

"லஞ்சம் கொடுப்பதும் குற்றம்; லஞ்சம் வாங்குவதும் குற்றம்' என்ற வாசகம், அரசுத்துறைகள் இயங்கிய காலம் முதல் வலியுறுத்தப்பட்டு வருகிறது. ஆனால், "காசு இல்லையென்றால் காரியம் நடக்காது' என்ற நிலைதான் அரசுத்துறைகளில் தொடரும் அவலம். போலீஸ் துறை, மின் வாரியம், வருவாய்த்துறை, நெடுஞ்சாலை, செய்தி மக்கள் தொடர்பு, ஊரக வளர்ச்சி, போக்குவரத்து உள்ளிட்ட 30க்கும் மேற்பட்ட அரசுத்துறைகள் உள்ளன. அரசை சார்ந்தே மக்கள் இருக்க வேண்டிய நிலை உள்ளதால், தங்களது தேவைகளுக்கு அதிகாரிகளை சந்திக்க வேண்டிய கட்டாயம் உள்ளது.

சாதாரண ரேஷன் கார்டு முதல், பெரிய அளவிலான தொழிற்சாலை அனுமதி வரை அனைத்து பைல்களும் தடையின்றி செல்ல லஞ்சம் வழங்க வேண்டிய நிலை உள்ளது. ஒருசில அதிகாரிகளால், அத்துறை சார்ந்த மற்ற அதிகாரிகளுக்கும் கெட்ட பெயர் ஏற்படுகிறது. லஞ்சத்தைத் தடுப்பதற்கு என்றே லஞ்ச ஒழிப்புத்துறை உள்ளது. இந்த துறை நடத்திய வேட்டையில், தமிழகத்தில் இந்த ஆண்டில் மட்டும் 100 பேர் வரை லஞ்சம் வாங்கிய புகாரில் கைது செய்யப்பட்டுள்ளனர். அவை தவிர, உயர் பொறுப்பில் இருப்பவர்கள் ஊழல், முறைகேடு செய்து அளவுக்கு அதிகமாக சொத்து சேர்த்த வழக்கில் சிக்கி சஸ்பெண்ட் செய்யப் பட்டுள்ளனர்.

மத்திய, மாநில அரசுகள் ஆறாவது ஊதியக்குழு பரிந்துரையை அமல்படுத்தி உள்ளன. அவை தவிர ஆண்டுக்கு இருமுறை அகவிலைப்படி உயர்வு வழங்கப் படுகிறது. "அரசு ஊழியர்கள் காட்டில் மழை' என்று பொதுமக்கள் மூக்கு மீது விரல் வைத்தாலும், இது போதாது எனக் கூறி அதிகாரிகள் முதல் கடைநிலை ஊழியர் வரை சிலர் மறைமுக லஞ்ச வேட்டையில் ஈடுபட்டு தான் வருகின்றனர்.மக்களிடையே தற்போது ஏற்பட்டுள்ள விழிப்புணர்வு, லஞ்சம் கேட்கும் அதிகாரியை லஞ்ச ஒழிப்பு போலீசாரிடம் மாட்டிவிடும் பக்குவத்தை ஏற்படுத்தி உள்ளது. இடமாற்றம், பதவி உயர்வுக்காக மேல் அதிகாரிக்கு கொடுத்த லஞ்சத்தை, மக்களிடம் இருந்து வசூல் செய்து விடலாம் என்ற நோக்கில் கையை நீட்டி மாட்டிக் கொள்வதும், அரசுக்கு வரும் வருவாயை தன் வங்கிக் கணக்கில் சேர்ப்பதாலும் போலீசாரால் கைவிலங்கு பூட்டும் நிலைக்கு அதிகாரிகள் தள்ளப்பட்டுள்ளனர்.

பொதுத் துறை நிறுவனங்களுக்கு யு.எஸ். நிறுவனங்கள் லஞ்சம்: விசாரணைக்கு உத்தரவு

மத்திய அரசின் பொதுத் துறை நிறுவனங்களிடமிருந்து வாணிப வாய்ப்புகளைப் பெறுவதற்காக, அந்நிறுவன அதிகாரிகளுக்கு அமெரிக்க நிறுவனங்கள் லஞ்சம் கொடுத்துள்ளதாக கூறப்பட்ட புகாரின் மீது மத்திய புலனாய்வுக் கழகம் விசாரணை நடத்த பிரதமர் அலுவலகம் உத்தரவிட்டுள்ளது.

மத்திய அரசின் பொதுத் துறை நிறுவனங்களின் அதிகாரிகளுக்கு அமெரிக்க நிறுவனங்கள் லஞ்சம் கொடுப்பது அதிகரித்து வருவதாக அமெரிக்காவிற்கான இந்தியத் தூதர் மீரா சங்கர் மத்திய அரசிற்கு கடிதம் எழுதியுள்ளார்.

இந்த கடிதத்தின் விவரங்களை எதிர்க்கட்சியான பாரதிய ஜனதாவும், மார்க்சிய கம்யூனிஸ்ட் கட்சியும் ஊடகங்களுக்குத் தெரிவித்தது மட்டுமின்றி, அது குறித்து விசாரணை நடத்த வேண்டும் என்றும் கோரிக்கை விடுத்தன.மீரா சங்கர் எழுதிய கடிதத்தின் நகலை ஊடகங்களுக்கு பாரதிய ஜனதாக் கட்சி வெளியிட்டது. அந்தக் கடிதத்தில் மராட்டிய மாநில மின்சார வாரியம், இந்தியன் இரயில்வே, மத்திய பூச்சிக்கொல்லி வாரியம் ஆகியவற்றின் பெயர்கள் இடம்பெற்றிருந்தது.

இந்த நிலையில் அமெரிக்க நிறுவனங்கள் லஞ்சம் கொடுத்த விவகாரத்தில் என்ன நடவடிக்கை எடுக்கப்பட்டுள்ளது என்று பணியாளர் மற்றும் பயிற்சி அமைச்சகத்திடம் பிரதமர் அலுவலகம் விவரம் கோரியுள்ளது.இந்திய பொதுத் துறை நிறுவனமான மத்திய பூச்சிக் கொல்லி வாரியத்திற்கு அமெரிக்க நிறுவனமான டோவ் ஆக்ரோ சயின்சஸ் இந்தியா பிரைவேட் லிமிடெட் நிறுவனம் லஞ்சம் கொடுத்தது குறித்து விசாரணை நடத்துமாறு மத்திய புலனாய்வுக் கழகத்திற்கு பிரதமர் அலுவலகம் உத்தரவிட்டிருப்பதாகவும் மத்திய அரசு வட்டாரங்கள் தெரிவித்துள்ளன.

விருதுநகர் நெடுஞ்சாலைத்துறை அலுவலகத்தில் லஞ்ச ஒழிப்பு மற்றும் வருமான வரித்துறையினர் அதிரடி சோதனை

விருதுநகர் : விருதுநகர் நெடுஞ்சாலைத்துறை அலுவலகத்தில் லஞ்ச ஒழிப்பு மற்றும் வருமான வரித்துறையினர் நடத்திய அதிரடி சோதனையில் கணக்கில் வராத ரூ.57,500 கைப்பற்றப்பட்டுள்ளது. 27 நெடுஞ்சாலை அமைக்கும் பணியில் 54 கான்ட்ராக்டர்களில் 26 பேரிடம் லஞ்சம் பெறப்பட்டுள்ளதாக லஞ்ச ஒழிப்புத்துறையினருக்கு புகார் அளிக்கப்பட்டது. இதனையடுத்து நடத்தப்பட்ட அதிரடி சோதனையில் சிவகாசி துணை பொறியாளரிடம் இருந்து பெறப்பட்ட பணம் மற்றும் பரிசுப் பொருட்கள் பறிமுதல் செய்யப்பட்டுள்ளன.

லஞ்சம் வாங்குபவர்களுக்கு ஆச்சியின் சாபம் .